Një ditë pas inspektimit që bënë në terren për të parë inceneratorin e Tiranës, Partia Demokratike ka reaguar duke thënë se inceneratori në fjalë nuk ekziston.
Përmes një videoje në Facebook, deputetja Ina Zhupa nënvizon se qytetarët panë me zë dhe figurë sesi paratë e tyre nuk shkojnë për djegien e plehrave sepse Inceneratori i Tiranës nuk ekziston, ndërsa pyet se ku shkruan 35 milionë euro që janë paguar nga taksat e qytetarëve.
“Qytetarët panë me zë dhe figurë sesi paratë e tyre nuk shkojnë për djegien e plehrave sepse Inceneratori i Tiranës nuk ekziston! Ku kanë shkuar 35 milion euro që janë paguar nga taksat e qytetarëve?! Incenerimi nuk kryhet, metodat e reja të menaxhimit të plehrave nuk duken askund! Çdo gjë që është thënë nga qeveria dhe bashkia këto 4 vite e gjysmë ka qenë vetëm propagandë dhe mashtrim. Kanë firmosur që 430 milion euro, para të taksave të qytetarëve më të varfër në Europë, të të “digjen” në vend të plehrave!”, shkruan Zhupa.
Discussion about this post