Komisioni i Organizimit dhe Kontrollit të Operacioneve në Partinë Demokratike ka dalë në një deklaratë për mediat pas mbledhjes së Këshillit Kombëtar ditën e djeshme, kryetar i së cilit u zgjodh Edi Paloka.
Komisioni po tregon detaje nga mbledhja e djeshme e Këshillit. Deputetja Albana Vokshi deklaroi se Edi Paloka u shpall me mbi 65% të votave kryetar dhe se është hera e parë që një parti politike kryen një proces kaq transparent.
“Paloka u shpall me mbi 65% të votave kryetar i rizgjedhur i Këshillit të PD. Është për herë të parë që një parti politike kryen një proces kaq transparent dhe demokratik ku thelbi i procesit është vota”, tha Vokshi.
Kujtojmë se Paloka ka qenë edhe më parë kryetar Këshilli. Ai e ka mbajtur atë pozicion për disa muaj dhe u distancua më 11 dhjetor, ku mori pjesë në Kuvendin e PD të thërritur nga ish-kryeministri Sali Berisha.
Discussion about this post