Kryetari i Komitetit Organizativ të Partisë së Lirisë, Ilir Meta ka shprehur mirënjohje ndaj delegatëve që ishin të pranishëm në Konventën e LSI-së një ditë më parë për themelimin e partisë së re.
Në një postim në Facebook, Meta shkruan se kjo forcë politike hodhi hapin e parë në përmbushjen e misionit për rivendosjen e sovranitetit të plotë të popullit përmes referendumit.
“Me mirënjohje për të gjithë delegatët për vendimin historik të themelimit të Partisë së Lirisë. Dje hodhëm hapin e parë në përmbushjen e misionit tonë për rivendosjen e Sovranitetit të plotë të popullit shqiptar nëpërmjet Referendumit. Tani është Koha për Veprim! Asnjë sekondë për të humbur”, shkruan Meta në Facebook.
LSI zhvilloi një ditë më parë Konventën ku miratuan një sërë ndryshimesh në statut, organizim si dhe emrin e forcës politike në Partinë e Lirisë.
Discussion about this post