Kreu i Grupit parlamentar demokrat, Gazment Bardhi ka ndërmarrë hapin e radhës një ditë pas protesës para kryeministrisë.
Gazment Bardhi ka thirrur mbledhjen e Grupit paraditen e sotme rreth orës 11:30.
Në mesazhin drejtuar deputetëve të opozitës, Bardhi njoftoi se mbledhja do të zhvillohet në Kryesi.
“Te nderuar kolege, nesër ora 11:30 do të zhvillojmë mbledhjen e grupit. Për shkak se disa kolege kanë mbledhje më vonë në Kryesi, mbledh nesër do ta zhvillojmë tek salla e grupit në Kryesinë e Kuvendit. Ju falenderoj! Natën”, thuhet në njoftimin për demokratët.
Me sloganin “O sot o kurrë, opozita në aksion”, opozita e bashkuar nën drejtimin e PD-së, së drejtuar nga Sali Berisha, organizoi sot protestën e parë kundër qeverisë pa ish-kryeministrin, i cili ndodhet në arrest shtëpie prej dy muajsh.
Berisha iu drejtua protestuesve me një mesazh të gjatë përmes teknologjisë, ndërsa kishte improvizuar një podium në banesën e tij.
Berisha jo vetëm denoncoi aferat dhe korrupsionin e Edi Ramës, por gjithashtu shpalosi disa nga pikat e një programi, në rast se PD do të fitojë zgjedhjet dhe do të qeverisë vendin.
Discussion about this post