Një ditë pas referendumit, ish-kryeministri Sali Berisha ka dhënë një mesazh këtë të dielë. “Mirëmëngjesi miq! Aty ku lind shpresa, lind fitorja”, kështu shkruan Berisha në rrjete sociale teksa ka publikuar një video të tij. Në video janë disa momente nga referendumi i djeshëm. Kujtojmë se Berisha e ngriti këtë referendum me pretendimin për të shkarkuar kryedemokratin Lulzim Basha, por nuk dihet nëse janë mbledhur vota të mjaftueshme.
Ndërsa nga ana tjetër, Basha zhvilloi në Pallatin e Kongreseve Kuvendin e thirrur prej tij, ku deklaroi hapur se do të largohen nga partia të gjithë ata që kërkojnë destabilitet dhe ata të përfshirë në korrupsion. Ndërsa u shpreh i bindur se referendumi i Berishës, është “referendum kafenesh”.
Discussion about this post