Ish-ministri i Drejtësisë Ylli Manjani ka kometuar zgjedhjet e pjesshme vendore, ndërsa ka dalë në disa përfundime që sipas tij, karakterizonin këto zgjedhje.
Manjani shkruan në Facebook se Rama dhe Berisha treguan se frymëzojnë shumicën e votës militante, ndërsa shtoi se PS abuzon vazhdimisht me pushtetin pasi nuk ka alternativa të tjera qeverisëse.
“Grupimet politike në vend kanë humbur qytetarinë jo politike. Shtresën e mesme dhe madën e madhe të shqiptarëve jo partiakë. Mospjesmarrja në votime është shumë më e lartë sesa ata që votojnë. Vota qartësisht ndahet numerikisht sipas votuesve militantë, votuesve të interesit dhe rrethit familjar. Edi Rama dhe Sali Berisha janë dy politikanët që motivojnë shumicën e votës militante. Rama ca më shumë sepse është në krye të pushtetit. Berisha pas rikthimit mbetet ende politikan frymëzues, ndonëse ende jo në masën e madhe të popullsisë. PS tashmë është bërë një monstër elektorale. Megjithëse keqqeveris, abuzon e ja fut rregullisht këtij mileti, prapë votohet. Vendi ka nevojë urgjente për alternativë politike. Këto (alternativat pra) që janë në xhiro garantojnë qelbjen e Ramës në qeveri”, shkruan Manjani.
Sipas tij, pas humbjes dhe në këto zgjedhje, Basha është kthyer në meme dhe se koha politike i ka mbaruar. Një mesazh kishte dhe për ambasadorët kur tha se qytetarët nuk i marrin në konsideratë , referuar faktit se ndonëse i shpallur non grata, koalicioni i Berishës mori më shumë vota se PD.
Discussion about this post