Një 38-vjeçar me origjinë shqiptare dhe pa adresë fikse, u arrestua në Peschiera del Garda (Verona) të Italisë, pasi akuzohet se i kishte vënë flakën një prej makinave të policisë në zonë.
Ngjarja ka ndodhur mëngjesin e 12 Nëntorit në “via Parco Catullo”, në selinë e ekipit të rojës detare.
I dyshuari fillimisht raportohet se ka thyer xhamin e mjetit dhe ka derdhur një lëndën djegëse brenda, teksa më pas i ka vënë flakën makinës.
Kamerat e vëzhgimit video kapën të gjithë skenën, duke lejuar oficerët ta identifikonin shpejt autorin.
Arrestimi ndodhi pasi shqiptarit iu gjetën thika dhe një spraj, duke çuar në një akuzë shtesë për mbajtjen e armëve ose sendeve pa leje, shkruan “Garda Notizie”.
Megjithëse gjesti nuk duket se ka motive të dukshme politike apo sociale, 38-vjeçari njoftohet se ka precedentë penalë për dhunë në familje dhe gjithashtu ishte i paligjshëm në territorin italian.
gijotina.com/
Discussion about this post