Avokati Adriatik Lapaj ka rikujtuar edhe njëherë se ditën e nesërme do të mbahet protestë ndërkombëtarëve kundër rritjes së çmimeve. Me anë të një postimi në rrjetin e tij social, Lapaj shkruan se Rama ka afat deri nesër në orën 11 të reflektojë, ndërsa i kujton këtij të fundit se po i mbaron koha. Ai shprehet se tubimi ka vendosur një standard të ri qytetar. Në poster, gjithashtu vihet re fakti që si ilustrim është vendosur një faraon dhe skllevërit që mbajnë në shpinë gjithë abuzimet, ndërsa si moto përdoret termi: Marshojmë drejt Kryeministrisë!
“Të shtunën në 11.00 nga sheshi “Skënderbej”. Qeveria me vendim ka lënë disa ditë pushim. Duket qartë tentativa për të zbrazur Tiranën… Gjithsesi, jemi në pritje të paketës së deklaruar dhe i bëjmë thirrje të reflektoj dhe kërkesat e tjera. Ky është një hall që nuk i iket me procedurë
. Nuk i iket sepse kërkesat lidhen me jetën e përditshme të qytetarëve. Thanë se “nuk kishin punë me çmimin e naftës”, por pas vendosmërisë qytetare ngritën një bord për çmimin dhe nisën uljen e tij. Protesta ka arritur shumë, por jo mjaftueshëm. Askush nuk po kërkon lëmosh. Po vendosim një standard të ri qytetar dhe qeveria duhet të bëj më shumë, pra të dëgjojë më shumë”, shkruan avokati. Kujtojmë se për gati një javë qytetarët kanë dalë çdo ditë në protestë, ndërsa nesër kanë paralajmëruar protestë derisa të marrin zgjidhje.
Discussion about this post