Një grua italiane ka humbur jetën gjatë një ndërhyrjeje estetike për heqjen e peshës në Turqi. Viktima është identifikuar si Milena Mancini, 50 vjeç, e cila ndërroi jetë pas 20 ditësh në kujdes intensiv në Spitalin Universitar të Stambollit.
Sipas mediave të huaja, Mancini kishte pësuar komplikacione gjatë një procedure liposuction, ndërsa dyshohet se gjatë operacionit mund të ketë ndodhur një dëmtim në zonën e stomakut.
Gruaja ishte agjente pasurish të paluajtshme dhe vajza e industrialistit të njohur italian, Alvaro Mancino, një nga themeluesit e kompanisë Indexa SpA, e specializuar në shërbime industriale dhe mirëmbajtje.
Konsullata italiane në Stamboll ka qenë në kontakt të vazhdueshëm me familjen që prej 18 shtatorit, ditës kur u raportua rasti nga spitali. Më 7 tetor, familjarët kishin njoftuar për një përmirësim të gjendjes shëndetësore të 50-vjeçares, por fatkeqësisht situata u përkeqësua papritur.
Discussion about this post