Granit Xhaka është përfolur se mund të marrë sërish shirtin e kapitenit, pasi kjo detyrë u hoq nga Aubamejang për shkak të thyerjes së disiplinës. Trajneri Mikel Arteta nuk e përjashtoi një mundësi të tillë, duke thënë se Xhaka është një nga kapitenët dhe lojtarët më të rëndësishëm të skuadrës.
Por shiriti i kapitenit te Arsenali është “një histori e gjatë tersi” prej vitesh me paraardhësit e Abumejang dhe Xhakës që kanë kaluar situata të çuditshme.
Në sezonin 2007-2008 Uilliam Gallasit iu hoq shiriti pasi kritikoi ekipin para mediave, duke thënë që nuk kanë guxim.
Dikur një nga talentet më premtuese dhe kapiten i Arsenalit, Cesc Fabregas hyri në depresion pasi donte aq shumë të largohej sa përgjysmoi pagën. Ndërkohë, robin Van Persie u rebelua ndaj klubit dhe u largua për te rivalët e Man United.
Në sezonet 2012-2014, Tomas Vermalen pati aq shumë dëmtime sa humbi vendin në formacion.
Trajneri aktual, Mikel Arteta qëndroi jashtë fushës për një kohë shumë të gjatë në sezonet nga 2014 deri 2016 për shkak të dëmtimeve. Njëjtë ndodhi edhe me Mertesaker nga viti 2016 deri në 2018.
Koshielni u detyrua të transferohej te Bordo në Francë, pasi refuzoi të grumbullohej me ekipin gjatë fazës përgatitore.
Vetë Xhakës iu hoq shiriti i kapitenitnë vitin 2019 pasi pati një konfrontim me tifozët pas zëvendësimit.
Për të ardhur tek i fundit, Aubamejang iu hoq shiriti për shkak të thyerjes së disiplinës.
Edhe pse me një karrierë për t’u vlerësuar, lojtarët e sipërpërmendur nuk kanë shkëlqyer si kapitenë të Arsenalit ky mund të jetë një paralajmërim për Xhakën nëse vendosë sërish të marrë shiritin e kapitenit.
Discussion about this post