Kampi universitar Grambling, në Luiziana, u pushtua nga sulmi me armë të dielën e 17 tetorit, ku humbi jetën një person dhe u plagosën 7 persona, midis tyre edhe një studente. Gjithashtu njëri prej tyre është në gjendje kritike jetësore.
Sipas Ndtv, universiteti njoftoi në “Twitter” se studenti kishte marrë trajtimin në spital dhe ishte jashtë rrezikut për jetën, kurse personi që humbi jetën nuk ishte i regjistruar në kampus, pra nuk ishte student.
Ky është sulmi i dytë me armë brenda një jave në një kampus universitar në një kolegj të SHBA.
Shkolla ka pezulluar të gjitha aktivitetet, lojën e përvitshme të futbollit si dhe festat, gjithashtu u anulua mësimi ditën e hënë dhe të martë. Kampusi është vendosur në masa të forta sigurie, me kontrolle të forta gjatë natës deri në një njoftim të dytë.
“Tani është koha për të qenë të bashkuar në mënyrë absolute, teksa mblidhemi për të ngushëlluar njëri-tjetrin pas incidentit të mëngjesit,” shkroi shkolla në “Twitter” të dielën.
