Një tifoz 19-vjeçar u godit për vdekje me thikë në Selanik, gjatë një sherri mes tifozëve të klubeve rivale pranë stadiumit Kleanthis-Vikelidis. Sipas burimeve, ngjarja kryer nga një grup personash që kanë zbritur nga dy makina. Autori i dyshuar i vrasjes së një 19-vjeçari me thikë në Greqi është një shqiptar. Mediat raportojnë se vrasësi i dyshuar është një 23- vjeçar shqiptar me banim në Selanik me leje qëndrimi të përkohshme në Greqi, i cili është vënë në pranga nga policia.
Arrestimi i vrasësit të dyshuar të Alkis Kampanos, ka tronditur të gjithë Greqinë, pasi ndodhi në një kohë kur familja e 19-vjeçarit po i jepte lamtumirën e fundit studentit.
“Është arrestuar një i dyshuar”, – njoftoi të mërkurën ministri i brendshëm grek, Takis Theodorikakos. – Kam kontaktuar me kryeministrin për ta informuar se është arrestuar autori i dyshuar i vrasjes së 19-vjeçarit në Selanik, pak kohë më parë”,- shkruan ai në një postim në Twitter. Ndërsa bëri me dije se janë shtuar hetimet për të vënë para përgjegjësisë këdo që u përfshi në atë sherr, i cili rezultoi fatal për të riun.
Discussion about this post