Bayerni i Mynihut tregoi muskujt brenda në Paris, ashtu si në finalen e 2019/2020. Në sfidën e zhvilluar në Parc des Princes ai që vendosi ndeshjen ishte sërish Kingsley Coman. Një ish i famshëm bën ligjin, nuk feston në shenjë respekti, por i dhuron gjermanëve një bonus shumë të madh në prag të sfidës që do të luhet në Allianz Arena.
Bayerni ishte superior në pjesën e parë, por goli i avantazhit erdhi me fillimin e së dytës, me Coman që goditi në ajër duke kapur të pa përgatitur dhe Gigio Donnarumman. Me Messin dhe Neymar shumë poshtë rendimentit më të mirë, trajneri Galtier aktivizoi menjëherë kartën Mbappe, me të në fushë, PSG kishte një marsh më shumë, por ishte sërish Bayern që i shkoi pranë golit të dytë, goditja e Choupo-Moting u ndal në shtyllë.
Mbappe u ndal fillimisht nga VAR, ndërsa në minutën e 72-të, Sommer bëri mrekullinë përballë yllit francez duke mbajtur portën të paprekur. Bayern e mbylli sfidën me dhjetë lojtarë, Pavard doli me të kuq pas një faulli të shkaktuar ndaj Leo Messit.
Bayern shijon këtë sukses, por nuk festojnë plotësisht, të vetëdijshëm se gjithçka vendoset në Mynih. Coman u shpall lojtari i ndeshjes duke vendosur dhe një rekord, bëhet lojtari i parë në historinë e Champions që fiton 39 ndeshje nga 50 ku ka marrë pjesë, si askush tjetër më parë.
Discussion about this post