Demi Lovato dhe Noah Cyrus kanë marrë pjesë së fundmi në mbrëmjen “Space Jam: A New Legacy” në Magic Mountain në Valencia, California, event i cili është bërë shkak që të përflitet gjerësisht për një lidhje mes dyshes.
Lovato dhe Cyrus janë fotografuar të kapur për dore, muaj pasi nxitën thashethemet për një romancë. Demi dhe motra e vogël e Miley Cyrus u bënë bashkë në fillim të vitit për këngën “Easy”.
Asokohe një burim u shpreh se sjellja e tyre ka hedhur dyshime për një lidhje mes dyshes pasi ato janë shfaqur mjaft të afërta me njëra-tjetrën. “Ata janë parë shumë të afërta dhe kanë qëndruar jashtë.”, tha një burim për “Page Six”.
Kujtojmë se më herët Demi Lovato e shpalli veten si të papërcaktuar në gjini. Këngëtarja tha se këtëj e tutje nuk dëshirëon që t’i thërrasin ajo, por ata. Këtë lajm ajo e dha përmes një postimi në rrjete sociale.
”Kjo ka ardhur pas shumë punimesh shëruese dhe vetë-reflektuese. Unë jam ende duke mësuar dhe po hyj në vetvete, dhe nuk pretendoj të jem eksperte ose zëdhënëse. Ndarja e kësaj me ju tani hap një tjetër nivel të cenueshmërisë për mua. Po e bëj këtë për ata atje që nuk kanë qenë në gjendje të ndajnë se kush janë në të vërtetë me të dashurit e tyre. Ju lutemi vazhdoni të jetoni në të vërtetat tuaja dhe ta dini se po dërgoj aq shumë dashuri në rrugën tuaj”, u shpreh Demi Lovato.
