Ajo që ishte një sekret i maskuar si thashetheme duket se po kthehet pak nga pak në realitet. Kohët e fundit po përhapet ideja se Mbappé nuk ka patur marrëdhënie shumë të mira me Messin dhe Neymar dhe se “nuk kishte vend në Paris për kaq shumë gjela në një kotec”.
Përpara kamerave, të tre shfaqëshin dhe jepnin një imazh të bukur harmonie. Megjithatë, duket se prapa kuintave, sfoni është më i errët nga sa mund të vlerësohej.
Fillimisht, Messi u nis për në Miami, e tani Neymar do të niset për në Arabi. E gjithë kjo nën një klimë spekulimi se Mbappé ka diçka të bëjë me këto largime.
Diçka për të cilën braziliani mund të jetë dakord, pasi i ka ‘pëlqyer’ një publikim që flet për kërkesat e parisienit për të qëndruar në klub dhe se ato do të kishin të bënin me marrëdhënien e tij me ‘O Ney’.
Në tekstin e postimit thuhet kështu: “Polemika: Verën e kaluar, Kylian Mbappe ia bëri të qartë PSG-së se nuk kishte vend për të dhe Neymar në të njëjtin ekip. Rastësisht, dita që Neymar u zyrtarizua praktikisht nga Al-Hilal, Mbappé është sërish super i lumtur”.
Neymarit i ka pëlqyer ky publikim, i cili ka shkaktuar një polemikë të madhe në rrjetet sociale. Në tekst nënkuptohet se Mbappé, me refuzimin e tij për të rinovuar, ka dashur vetëm largimin e xhevahirit brazilian.
PSG me të vërtetë që është bërë “Reality Show FC”.
Discussion about this post