Shqipëria do të mbyllë sot vitin 2022 me testin miqësor ndaj Armenisë në Air Albania në orën 17:30. Aktualisht është përcaktuar treshja e gjyqtarëve, që do të drejtohet nga një maqedonas.
Kjo ndeshje do të jetë edhe e fundit për trajnerin Edi Reja, të cilit i përfundon kontrata në dhjetor dhe do të kërkojë fitoren për ta mbyllur me kokën lart, por edhe për të shmangur një vit të tërë pa arritur një fitore.
Në Air Albania, drejtësinë do ta vendosë gjyqtari maqedonas Aleksandar Stavrev. Ai do ndihmohet nga Goce Petrevski dhe shqiptari i maqedonisë, Kushtrim Lika. Një arbitër i Superiores do të jetë gjyqtar i katër dhe ai është Eldorjan Hamiti.
Discussion about this post