Arne Slot flet me autoritetin e fituesit pas suksesit ndaj Milanit në raundin e parë të ndeshjeve të Champiosnit. Trajneri holandez i Liverpool tha se skuadra e tij duhet të fitojë më shumë besim nga kjo ndeshje për ruajtjen e vazhdimësisë:
“Ne kemi shfaqur edhe më parë në këtë nivel loje, ndaj duhet të marrim besim nga kjo ndeshje për mënyrën se si dominuam pas fillimit të vështirë”.
Në fundin e sfidës së “San Siros”, e fituar 1-3 nga “The Reds”, Slot i rezervoi debutimin edhe për Federico Chiesa.
“Është shumë bukur që e kemi në skuadrën tonë, Chiesa është duke kapur formën e duhur dhe do të jetë në gjendje të na ndihmojë shumë. Është shumë i lumtur që është me ne, dëshiron të jetë pjesë e këtij ekipi dhe me siguri do të na japë një dorë”.
Për trajnerin holandez, fitorja ndaj “Djajve të Kuq” ishte dhurata më e mirë për të festuar ditëlindjen e 46-të.
“Do të jetë një mbrëmje që do ta kujtoj në të ardhmen, ndeshjen e parë të Champions League në një stadium kaq të veçantë. Është një dhuratë e bukur”, përfundoi holandezi.
Discussion about this post