Një muaj i zhdukur, mister fati i 26-vjeçarit

Kërkimet në lumin Seman për 26- vjeçarin Mateo Lika i cili prej një muaji rezulton i zhdukur kanë rinisur.

Polumbarët e Renea-s po kërkojnë përgjatë rrjedhës së lumit për të gjetur automjetin tip ‘Golf’ me të cilin dyshohet se i riu u aksidetua dhe më pas u zhduk pa lënë gjurmë.

Nga hetimet e deritanishme, pasi u aksidentua, Lika dyshohet se ra në ujërat e lumit Seman. Ndërsa mendohet se mjeti është marrë nga rrjedha pas përplasjes me parmakët e hekurt të Urës së Mbrostarit.

Kërkimet disa ditore të polumbarëve të Renea-s dhe efektivëve të policisë me dron nga ajri rezultuan që nuk ka asnjë shenjë te automjetit. Kjo e ka lënë ende mister fatin e 26-vjeçarit Mateo Lika. Ndërkohë, ditën e sotme polumbarët e Reneas i janë rikthyer kërkimeve pas një muaji.