Një muaj pas vdekjes së saj ka folur sot për herë të parë në një program televiziv shqiptar, bashkëshorti i Hueyda El Saied. Thierry rrëfeu gjithçka nga momenti kur Huejda zbuloi se ishte e sëmurë, si ja thanë të birit deri te gjendja e tij aktuale.
“Është një shok shumë i madh. Mbetet një peshë e madhe, por përpara se të filloja, do doja të thoja shumë faleminderit për të gjithë mesazhet që kemi marrë nga ana e Shqipërisë. Këtë e them edhe në emër të Gabrielit. Është sërish një makth këtu nga ana ime. Por do të qëndroj i fortë, Gabrieli është më i fortë se unë. Duhet të qëndrojmë të fortë për Hejdën”, tha ai, ndërsa tregoi se e zbuluan sëmundjen e rëndë që i mori jetën bashkëshortes, nëkorrik të viti 2019. Ai tha se bashkë më të shoqen vendosën që t’i tregonin çdo gjë të birit, në mënyrë që ai të ishte i përgatitur.
“Mësuam për sëmundjen e saj përpara një viti e gjysmë, në korrik të 2019. Ishte zgjedhja e Huejdës ta mbante këtë sekret. Të gjithë e dinë që ajo ishte shumë e fortë dhe nuk donte që ne të ndjenim keqardhje. Edhe donte ta bënte këtë luftë e vetme. Ne nuk i kemi fshehur asgjë Gabrielit, siç mund t’i flasësh një djali vetëm 6 vjeç. Ne i flisnim atij përpara çdo procesi dhe ishte i informuar në brendësi të situatës. Ne kishim shpresë deri ditën e fundit se ajo do të shpëtonte”, u shpreh i përlotur Thierry
Discussion about this post