Një nga katër autorët të cilët kanë dhunuar sot avokatin Sokol Mëngjesi, është identifikuar si Romario Tabaku, aktualisht i shpallur në kërkim.
Mësohet se Tabaku është futbollist dhe deri një vit më parë ka luajtur me Tërbunin.
Kujtojmë se në një deklaratë për mediat Tonin Vocaj, drejtori i Policisë së Tiranës, tha se autorët e sulmit ndaj Mëngjesit, përveç Tabakut, janë Dorian Alia 32 vjeç, Drivald Alia 21 vjeç dhe Elton Kasaj 33 vjeç.
Tabaku mësohet se ka pritur në makinë tre të tjerët dhe më pas i ka larguar nga vendi i ngjarjes.
Sipas hetimeve të autoriteteve policore, avokati Sokol Mëngjesi është goditur për shkak të detyrës, teksa si organizator i dhunimit të tij dyshohet se është shtetasi Dritan Jani Nano 58 vjeç, i cili është ndaluar nga Policia.
Sipas bluve të kryeqytetit, bëhet fjalë për një çështje pronësie, ku avokati Sokol Mëngjesi ka përfaqësuar disa familje, të cilat kanë arritur ta fitojnë gjyqin, por më pas nuk kanë rënë dakord me detyrimet që përmbante kontrata.
Nga hetimet ka rezultuar se avokati Sokol Mëngjesi është dhunuar për shkak të detyrës, ndërsa si organizator është ndaluar shtetasi Dritan Jani Nano 58 vjeç.
Discussion about this post