Adelajda Xhamani u nda nga jeta në mënyrë tragjike në moshë fare të re në 2017-tën nga një atak kardiak.
Por historia e saj me Bjordi Mezini ishte një ndër historitë më të forta të dashurisë në “Big Brother”, të cilën publiku e ndoqi me kërshëri edhe pas përfundimit të show-t.
Ndonëse ata ishin ndarë kur Adela vdiq, Bjordi ka fjalët më të mirë për të.
“Unë dhe Adela kishim vite që ishim ndarë kur ndodhi ajo që ndodhi, dhe rrugët tona ishin ndarë, ishim dy njerëz që kishim ndarë një pjesë të mirë të jetës bashkë, ishim shumë të, rinj dhe gjërat ndryshojnë por po normalisht që e kujtoj shpesh, ka qenë shumë e rëndësishme, ishte një vajzë fantastike dhe nuk e mohoj dot”, tha ai tek “Natën me Aulonën”.
Adelajda Xhamani dhe Bjordi Mezini ishin çifti simpatik i “Big Brother Albania 2” që asokohe theu tabutë.
Bukuroshja qe fitoi simpatinë e njerëzve me ëmbëlsinë e saj, vazhdoi lidhjen me Bjordin edhe për pak vite pas daljes nga shtëpia e shout televiziv.
Ata u bënë jo vetëm një çift i konsoliduar, por bënë që edhe më skeptikët të besonin në dashurinë e tyre.
