Ende nuk dihen rrethanat në të cilat personi i paidentifikuar ka humbur jetën, dhe nëse kemi të bëjmë apo jo me një vrasje.
Një 45-vjeçar është gjetur i pajetë ditën e sotme në një automjet ngjyrë gri në qytetin e Vlorës pranë zonës së njohur si ‘Rruga e re’.
Viktima i identifikuar nga policia si E. L., kishte dy ditë pa u kthyer në shtëpinë e tij. Nga hetimet e bluve, rezultoi se 45-vjeçari nuk kishte shenja dhune në trupin e tij apo dëmtime të tjera. Dyshohet se 45-vjeçari ka vdekur për shkaqe natyrale.
Ndërkohë, policia dhe grupi hetimor ndodhen ende në vendin e ngjarjes, për zbardhjen e plotë të rrethanave.
Njoftimi i policisë
Sot, rreth orës 10:50, në lagjen “Osman Haxhiu”, Vlorë, është gjetur në mjetin e tij nga faniljarët, pa shenja jete shtetasi E. L., 45 vjeç, i cili nga të dhënat e para dyshohet se ka ndërruar jetë për shkaqe natyrale. Nga kqyrja paraprake e trupit të tij, nuk janë konstatuar shenja dhune apo dëmtime të tjera. Grupi hetimor ndodhet në vendngjarje dhe po punon për sqarimin e rrethanave të ngjarjes.
