Një i moshuar është gjetur i pajetë pasditen e kësaj të shtunë në bregun e Bunës në Shkodër. Dyshimet e para të grupit hetimor janë se i moshuari është mbytur në lumë aksidentalisht.
“Rreth orës 15:30, në bregun e lumit Buna, është gjetur trupi i pajetë i shtetasit P. Gj., 77 vjeç, banues në fshatin Dajç, i cili dyshohet se ka rrëshqitur aksidentalisht në ujërat e lumit, kur po hidhte mbeturina, dhe është mbytur”, njoftoi policia.
Grupi hetimor vijon punën për të dokumentuar me prova ligjore rrethanat e kësaj ngjarjeje, shtuan të njëjtat burime.
Discussion about this post