Një person i identifikuar me emrin Hajdar Ismailgeci, 40 vjeç, është gjetur pa shenja jete mbrëmjen e kësaj të enjte në zonën e Babrrusë në Kamëz. Ai është konstatuar nga kalimtarët në mes të rrugës pranë shkollës “Azem Hajdari”.
Për shkak të plagëve të konstatura në trupin e viktimës, dyshohet se ai është qëlluar me thikë. Trupi i pajetë do të dërgohet në morgun e Tiranës, ku do të kryehet ekspertiza mjeko-ligjore për të përcaktuar shkakun e saktë.
Policia ndodhet në vendin e ngjarjes dhe ka rrethuar zonën.
“Kamëz/Informacion paraprak
Rreth orës 20:10, në Babrru, është konstatuar pa shenja jete një shtetas ende i paidentifikuar, rreth 50 vjeç. Nga këqyrja paraprake, viktima ka një plagë të shkaktuar me mjet prerës, e cila dyshohet të ketë qenë shkaku i humbjes së jetës.
Grupi hetimor ndodhet në vendngjarje dhe po punon për identifikimin e viktimës, kapjen e autorit si dhe sqarimin e rrethanave dhe dokumentimin e plotë të rastit.“-njofton policia.
gijotina.com/
Discussion about this post