Një lagje në Lezhë ka mbetur pa energji elektrike pasi një makinë mbeturinash ka përplasur një shtyllë elektrike. Mësohet se goditja ka rrëzuar shtyllën së bashku me transformatorin në rrugën e Vainit, në zonën e “Ishull Lezhës”.
Për rreth dy orë shtylla dhe transformatori ndodhen në mes të rrugës duke vënë në rrezik jetën e qytetarëve që kalojnë aty pranë.
Ndërkohë që në një reagim të OSHEE theksohet se në vendngjarje ka shkuar grupi i punës për të riparuar defektin.
“Nënstacioni Lezhë. Një automjet ka goditur shtyllën duke rrëzuar edhe transformatorin. Grupi i TM zona e shpërndarjes Shkodra 1 (Lezhë) është vënë menjëherë në punë për riparimin e defektit.”-njofton OSHEE.
Discussion about this post