Kujtim Meta 44-vjeç është plagosur pasditen e sotme me armë zjarri në Lushnjë. Ngjarja ka ndodhur pranë stacionit të trenit, ku mësohet se Meta ka marrë dy plumba që i rrezikojnë jetën, një në gjoks e një në bark.
Ngjarja ndodhi rreth orës 16:15, ndërsa polici apo punon për zbardhen e rrethanave të ngjarjes.
Nuk dihet ende nëse rasti në fjalë është atentat apo një konflikt i çastit që më pas ka agravuar në përdorimin e armëve të zjarrit dhe plagosjen rëndë të 44-vjeçarit Kujtim Meta.
Policia po heton për të shkuarën e të plagosurit, ndërsa në vëzhgim do të merren edhe kamerat e sigurisë në vendin e ngjarjes për të zbardhur të plotë dinamikën e ngjarjes. Identiteti i autorit nuk është zbardhur ende, ndërsa raportohet se janë ngritur pika kontrolli në të gjitha hyrje-daljet e qytetit të Lushnjës me qëllim kapjen e autorit.
Discussion about this post