Një shqiptare është pjesë e kompanisë “Meta”, e punësuar në departamentin e “Global Operations” në “Facebook”.
Shqiptarja Plarenta Deshishku është një profesioniste me origjinë shqiptare dhe jeton dhe zhvillon karrierën e saj në Dublin, Irlandë.
Ajo është diplomuar për Administrim Biznes dhe Menaxhim të Përgjithshëm në “ESCP Business School”, kurse studimet pasuniversitare i ka ndjekur në “Trinity College Dublin”.
“Meta” është emri më i ri i rrjetit social “Facebook”. Kompania njoftoi ndryshimin e emrit të enjten. Meta, një riemërtim që fokusohet në investimin në “metaverse”, një mjedis virtual i përbashkët që me siguri do të jetë pasardhësi i internetit celular.
Ndryshimi i emrit vjen pasi kompania më e madhe në botë e mediave sociale është përballur me kritika nga ligjvënësit dhe rregullatorët për fuqinë e saj në treg, vendimet algoritmike dhe kontrollimin e abuzimeve me shërbimet e saj.
