Kryeministri Edi Rama ka folur me gjuhë të ashpër kundër Sali Berishës, duke thënë se ai ka qenë “non grata” që në ditën e parë që u fut në lëvizjen studentore si një spiun i Presidentit Komunist.
“Një virus që më në fund u shpall non grata. Se kështu ka qenë që kur u fut në lëvizjen studentore si një spiun komunist i presidentit Komunist. Dhe shqiptarët ushqehen përditë me dokrra dhe me dëngla dhe nuk bëhet ndarja e shapit nga sheqeri. E ka për barrë të provojë akuzat dhe jo e atij që akuzohet. Cilët serb? Cilët Kinezë? Arabë? Në një kohë që kemi fakt që PD është financuar nga paratë e Rusisë.”
Rama deklaroi se në Kryeministri në kohën e Berishës është pritur një përfaqësues i Vladimir Putinit, dhe një muaj më pas në Këshillin e Europës, Partia Demokratike e Shqipërisë votoi kundër UÇK-së.
“Në kryeministri pritet përfaqësuesi i Putin një muaj nga vendimi i PD për votën në Këshillin e Europës për të bashkuar qëndrimin me Putin kundër Shqipërisë dhe UÇK. Është pritur këtu një rus. Një rus real. Me emër me mbiemër me titull. Është bërë dhe deklaratë që u konsiderua e rëndësishme. Një muaj më mbrapa iu ngul thika nga PD, ndaj UÇK. Që rusët të paguajnë duhet të kesh dhënë një provë…se nuk paguajnë kot. Nuk derdhin kot 500 mijë dollar financime për PD-në. Pse duhej t’ja japin PD-së ato para. Pse të mos ja jepnin një partie tjetër. Fjalët e mia dalin gjithmonë. Unë flas me fakte nuk hedh fall”, tha ai.
Lexo edhe: Paralajmëron Berisha: Nëse Rama na prek “flamurin”, do përleshemi
Discussion about this post