Lëkundja e fortë me magnitudë 6.0 gradë të shkallës rihter u regjistrua në orën 09:15 me epiqendër në Mansfield, Australi. Shërbimi i Emergjencave njofton se goditjet e forta janë ndjerë pothuajse në të gjithë zonën Juglindore të Australisë, përfshirë dhe qytetin e Melburnit dhe kanë sjellë shembjen e shumë kullave.
Deri më tani nuk raportohet të ketë pasur persona të plagosur apo viktima, por dëmet materiale kanë qenë të konsiderueshme. Tërmeti u ndje gjithashtu në Australinë Jugore fqinje dhe Uellsin e Ri Jugor.
Shërbimi i Emergjencave të Shtetit të Victoria paralajmëroi që vigjilenca e banorëve të mos ulej, pasi mund të ketë tronditje të tjera të mundshme.
“Nëse ndodheni në Victoria, jeni në rrezik. Pritni goditje të tjera, qëndroni larg ndërtesave të dëmtuara dhe rreziqeve të tjera. Shmangni vozitjen, përveç rasteve emergjente”, tha Shërbimi i Eergjencave.
Ndërkohë lëkundje tërmeti janë ndjerë dje edhe në vendin tonë, por sizmologët shprehen se kjo periudhë është sezon tërmetesh dhe vendi ynë nuk është në zonën e rrezikut për momentin.
E.H/ gijotina.com/
