Një tjetër aksident është regjistruar pasditen e sotme. Në Tiranë, në vendin e quajtur kryqëzimi i arkivës, një kamion ka përplasur një person me biçikletë.
Kampioni e ka zënë poshtë personin, duke i dëmtuar këmbët. Burri i plagosur ka humbur ndjenjat ndërkohë që shumë shpejt ka mbërritur ambulanca që e ka transportuar për në spital.
Mësohet se personi është jashtë rrezikut për jetën.
Një tjetër aksident ka ndodhur gjithashtu para pak minutësh, ku një 36-vjeçare ka aksidentuar një fëmijë 8-vjeçar në rreth rrotullimin e Komunës së Parisit.
Mësohet se i mituri është dërguar në spital, aty ku po merr ndihmën mjekësore. Fatmirësisht ai ndodhet jashtë rrezikut për jetën.
“Rreth orës 14:15 , tek rrethrrotullimi i “Komunës Parisit”, mjeti me drejtuese shtetasen S. P., 36 vjeçe, ka aksidentuar një fëmijë me iniciale E. Dh., rreth 8 vjec, i cili ndodhet në spital, jashtë rrezikut për jetën.Grupi hetimor ndodhet në vendngjarje dhe po punon për sqarimin e rrethanave të ngjarjeve”, njofton policia.
