Demokrati i dytë që do të marrë pjesë në Primare për t’u shpallur kandidat i opozitës për bashkinë Tiranë, është Gert Bogdani. Bëhet e ditur se Bogdani do t’a prezantojë kandidaturën e tij për në primaret e PD-së, në orën 11.00.
Disa ditë më parë, kanidaturën për primaret e Tiranës e ka shpallur edhe deputeti Belind Këlliçi. Ai është shprehur se është gati të lërë mandatin për të luftuar për Tiranën ndërsa është shprehur se kryebashkiaku aktual Erion Veliaj, do të jetë për të kandidati për i lehtë për t’u mundur.
Emra të tjerë të lakuar brenda PD-së si kandidatë të mundshëm për primaret e Tiranës janë deputetja Jorida Tabaku, aktori i humorit Julian Deda dhe mjeku Ilir Alimehmeti. Kurse, sa i përket bashkive të tjera, për Tropojën e ka shpallur kandidaturën ish-deputetja Mimoza Hajdarmataj.
Discussion about this post