Një tjetër rast zhdukjeje është regjistruar ditën e sotme. Bëhet me dije se një vajzë në Lushnjë ka denoncuar këtë mëngjes humbjen e të vëllait. Ajo ka deklaruar në polici se i vëllai me iniciale A.M 38-vjeç, i cili vuan nga probleme të shëndetit mendor është larguar nga shtëpia që më 17 prill dhe nuk është kthyer më.
Sakaq, policia hedh dyshimet e para se personi i zhdukur mund të ketë shkuar shumë larg, por duke qenë se vuan nga problemet mendore mund të ketë ngatërruar rrugën për në shtëpi. Ndërsa njoftohet se një ditë më parë ai ishte parë një lagje më tutje.
Ky është i disati rast kohët e fundit, kur raportohet humbja e një familjari. Jo më larg se dje një person u deklarua i zhdukur në Tiranë dhe u gjet i pajetë në ambientet e një bunkeri të afërsi të Institutit Bujqësor në Kamzë
Discussion about this post