Një tjetër ish-juventin prezantohet te Interi

Interi duket se ka zgjidhur problemin e portës duke siguruar shërbimet e Emil Auderos pas Yann Sommerit.

Audero transferohe në Milano në formë huazimi për një sezon, me të drejtë blerjeje pas përfundimit të tij. Lajmi është bërë i ditur nga vetë Interi përmes kanaleve zyrtare në rrjetet sociale.

Audero është ish-juventini i radhës që transferohet në Milano, me lojtarët që kanë qenë të shumtë, që kanë veshur uniformat e dy rivalëve të betuar.

Ky transferim i hap rrugën Etrit Berishës për të kaluar te Sampdoria, me gardianin shqiptar që kërkohet nga Andrea Pirlo. Berisha kështu do të jetë gati për një aventurë të re me Sampdorian, teksa një pjesë e pagës së tij do të vazhdojë të paguhet nga Torino.