Wolves u nda me Nuno Espirto Santos disa ditë më parë. Trajneri portugez i dha fund aventurës 4-vjeçare në stolin e “Ujqve”, që kanë zgjedhur trajnerin e ri.
Me anë të një postimi në faqen zyrtare në Twitter, klubi i Premier League zyrtarizon emërimin e Bruno Lage si trajneri i ri i skuadrës ishullore.
Sërish portugez në pankinën e Wolves. 45-vjeçari drejtoi Benfikën (e shpalli kampione) në periudhën janar 2019-korrik 2020, teksa tani do të punojë në Premier League.
Joao Felix shpërtheu nën drejtimin e Lage te Benfika, teksa tekniku luzitan do të gjejë një koloni me futbollistë portugezë te skuadra e re.
