“Shteti i Izraelit është sulmuar dhe për këtë arsye ka të drejtë të mbrohet, por çështja palestineze duhet të zgjidhet në mënyrë paqësore, me krijimin e një shteti të pavarur me kryeqytet Jerusalemin Lindor.”
Kështu u shpreh presidenti rus, Vladimir Putin.
“Ajo që po ndodh është një tragjedi e madhe për palestinezët dhe për izraelitët”, shtoi ai.
Ndërkohë, bombardimet e rënda izraelite goditën Rripin e Gazës gjatë natës, veçanërisht pranë kufirit.
Këtë e demonstrojnë videot e postuara në rrjetet sociale nga banorët dhe një shënim nga Forcat Ajrore izraelite.
“Edhe natën dhe në çdo kohë, qindra avionë të IAF vazhdojnë të sulmojnë me forcë dhe dëmtojnë rëndë aftësitë e armikut”, është komenti në një video të postuar nga Forcat Ajrore izraelite në rrjetet sociale.
Hamasi gjithashtu, nisi një sulm me raketa në aeroportin “Ben Gurion” të Tel Avivit. Krahu ushtarak e bëri të ditur këtë në një deklaratë të raportuar nga Tass.
Discussion about this post