Një truk për të shmangur lotët gjatë grirjes së qepëve

Duke qenë se qepët janë pjesë e pazëvendësueshme e kuzhinës së shtëpisë sonë, i hasim thuajse çdo ditë.

Qepa është baza për pothuajse të gjitha pjatat e gatuara.

Por prerja e qepëve mund të jetë e pakëndshme për shkak të djegies së syve, lotëve, por ekziston një truk që do t’ju ndihmojë të shijoni përgatitjen e pjatave me këtë perime.

Gjithçka që duhet të bëni është të vendosni një pecetë të lagur ose një pecetë të zakonshme letre të njomur me ujë në dërrasën në të cilën do të copëtoni qepën.

Një pecetë e lagur ose një peshqir i lagur tërheq lëndën kimike nga qepa, e cila përndryshe do të gjente rrugën drejt “burimit më të afërt të ujit”, që zakonisht janë sytë.

Në këtë mënyrë, ajo substancë mbetet në dërrasën tuaj prerëse dhe ju do të kënaqeni duke përgatitur pjatën tuaj të preferuar.