Rrjeti më i madh televiziv në SHBA, Fox News, raporton se Parlamenti shqiptar i hapi rrugë legalizimit të kanabisit për qëllime mjekësore.
Sipas Fox News, edhe pse Shqipëria është udhëkryqi evropian për trafikun e marijuanës, vendi legalizoi kanabisin pavarësisht opozitës së ashpër.
Parlamenti votoi 69-23 për të lejuar rritjen e kufizuar dhe të kontrolluar të bimëve të kanabisit, një lëvizje e kundërshtuar ashpër nga opozita.
Qeveria beson se lejimi i prodhimit të kufizuar të kanabisit mund të rrisë të ardhurat nga taksat.
Rritja e marihuanës lulëzoi në Shqipëri në të kaluarën pasi trafikantët e drogës shfrytëzonin mungesën e qeverisjes së fortë në vendin postkomunist.
Pas ardhjes në pushtet në vitin 2013, qeveria e majtë e Partisë Socialiste e kryeministrit Edi Rama vendosi shkatërrimin e bimëve të kanabisit si objektiv kryesor. Gjatë dy viteve të ardhshme ajo shkatërroi miliona bimë kanabisi me një vlerë tregu të vlerësuar prej 8.5 miliardë dollarësh, më shumë se dy të tretat e prodhimit të brendshëm bruto vjetor të vendit në atë kohë.
Në vitin 2014, një oficer policie u qëllua për vdekje gjatë një goditjeje në një fshat në jug. Policia u sulmua me armë automatike nga kultivuesit e drogës.
Shqipëria është ende një rrugë kryesore për trafikimin e drogave të forta. Policia ende godet rastet e izoluara të rritjes së kanabisit, por shumë më rrallë se një dekadë më parë.
“Trafikantët e drogës kanë shfrytëzuar më parë mungesën e qeverisjes së fortë, duke lejuar që biznesi i marijuanës të lulëzojë në mënyrë të paligjshme,” thekson Fox News.
Shumë media ndërkombëtare i kanë bërë jehonë miratimit të këtij ligji në orët e para të mëngjesit.
Discussion about this post