Një viktimë dhe dy të plagosur, kush janë “të fortët” e Vlorës që nuk i shpëtuan “dallgës”

Kristo Drolli, Ariel Kingji, Shpati Lena u arrestuan orët e para të mëngjesit në Vlorë. Arrestimi i tyre është bërë në kuadër të operacionit të koduar “Dallga”.

Ngjarja në të cilën akuzohet Ariel Kingji është regjistruar në gusht të vitit 2019 në plazhin e vjetër në Vlorë. 21 vjeçari ishte i shpallur në kërkim.

Ne atë ngjarje mbeti i vrarë me armë zjarri Arben Beqiraj ndërsa u plagos djali i tij dhe një i afërm i tyre që ndodheshin në lokalin në pronësi të viktimës në plazhin e vjetër. Për këtë ngjarje është arrestuar tashmë personi i identifikuar me emrin Eduart Xhezo, arrestimi i të cilit është bërë pak kohë pas ngjarjes në qytetin e Durrësit.

Kristo Drolli 50 vjeç, banues në lagjen “24 Maji”, do të përballet me akuzën për veprën penale “Mbajtja pa leje dhe prodhimi i armëve, armëve shpërthyese dhe i municionit”, pasi gjatë kontrollit iu gjet një armë zjarri pistoletë;
-Ariel Kingji 21 vjeç, banues në lagjen “24 Maji”, Vlorë, pasi gjatë kontrollit fizik, iu gjet në brez, një armë zjarri pistoletë. Nga veprimet hetimore rezultoi se ky shtetas ishte shpallur në kërkim për veprat penale “Vrasja në rrethana cilësuese” kryer në bashkëpunim, mbetur në tentativë dhe “Mbajtja pa leje dhe prodhimi i armëve, armëve shpërthyese dhe i municionit” në lidhje me ngjarjen e ndodhur në datën 04.08.2019, në lagjen “1 Maji”, Vlorë.
-Shpati Lena 37 vjeç, banues në lagjen “24 Maji”, i cili dyshohet si përkrahës i personit në kërkim.