Një vit pas zënkës, Ilir Shaqiri dhe Alesia Bami përballen për herë të parë

Në qershor të 2021 balerini Ilir Shaqiri ishte i ftuar në “Top Arena”, ku u pyet nga Ed Manueshi se çfarë kërcimi do i shkonte Alesias.

Pa hezitim, Iliri përmendi ‘dirty-dancing’ gjë që nuk u prit mirë nga Alesja Bami e cila tha asokohe: “Ky dirty-dancing nuk ka lidhje me mua në fakt sepse kam mbaruar një shkollë profesionale baleri dhe mund të kërceja më mirë diçka neo-klasike se një dirty-dancing.”

Të gjendur sërish përballë një vit pas kësaj situate, Iliri dhe Alesia treguan se e gjitha ishte keqkuptim. Madje, Alesia u shpreh se Iliri është lider, fjalëpak dhe me karakter të fortë.

“Patëm një grricje të vogël, nuk u kuptuam shumë mirë me atë dirty-dancing. Por, gjithçka shkoi shumë mirë më pas. Për Ilirin dua të them se ka natyrë lideri, teksa e sheh dhe është shumë fjalëpak dhe me karakter të fortë. Më pëlqejnë shumë njerëzit fjalëpak dhe vepra shumë.”- tha Alesia në ‘E diell’.