Ish kryeministri Sali Berisha u përjashtua nga grupi parlamentar i Partisë Demokratike më 9 shtator të vitit të kaluar nga kryetari i atëhershëm i partisë, Lulzim Basha. Berisha, nga Erseka, kujtoi momentin duke thënë se pas 1 viti opozita është ngritur në këmbë.
Ish-kryeministri u shpreh se Basha kishte shumë defekte dhe sipas tij, “gjëja më e rëndë që bëri është se me datë 27 prill nuk nxori demokratë në rrugë dhe nuk duhet të lëshonin sheshin gjersa të përmbysej hajduti i votës, armikun e lirisë së tyre”.
“Arsimi përbën problem themelor për çdo komb, e kemi pasur në qendër të vëmendjes. Ka bërë hapa mbrapa, është pushtuar nga patronazhistët. Ka rënë cilësia e arsimit. Do ketë rritje të madhe rrogash dhe sistemi patronazhistëve do marrë fund. Koha është veprim, veprim dhe vetëm veprim. Agjenda jonë është shkurtimi i ditëve të kësaj qeverie dhe rrëzimi i saj. Ai që ishte në krye të PD kishte shumë defekte, gjëja më e rëndë që bëri është se me datë 27 prill nuk nxori demokratë në rrugë dhe nuk duhet të lëshonin sheshin gjersa të përmbysej hajduti i votës, armikun e lirisë së tyre. Do vendosim vetëm me vonë të lirë në pushtet, të vjedhësh votat me banda e vrasës, këtë s’ta falim. Krahas vendimit për kryengritje paqësore sa më parë dhe të qëndrueshme dhe për të larguar këtë qeveri, garantojmë shqiptarët se mbetemi të zotuar për të garantuar votë të lirë. Pas një viti jemi në këmbë, opozita është në këmbë është arritje. Opozita ka shtrirë bashkëpunim e saj me grupe të shumta që mbrojnë kauza të drejta, ky është parim i drejtë. Duhet të bëhemi shumicë masive, nuk jemi. Për tu bërë secili prej jush duhet ta ndjejë veten misionar, të ulet të dialogojë me çdo njeri që s’beson tek ne, është i zemëruar, mendon ndryshe nga ne”, tha Berisha.
Discussion about this post