Rrëshqitjet e dheut që ndodhën në provincën perëndimore të Indonezisë, lanë të paktën 11 të vdekur dhe 50 të tjerë të zhdukur, tha një zyrtar i shpëtimit në një deklaratë.
Reshjet e dendura dhe kushtet e paqëndrueshme të tokës u fajësuan për fatkeqësinë natyrore në provincën Natuna Regency, tha zëdhënësi i Agjencisë Kombëtare të Menaxhimit të Fatkeqësive Abdul Muhari.
“Numri i viktimave mund të rritet,” tha Junainah, kreu i Njësisë së Emergjencave të agjencisë provinciale të menaxhimit dhe zbutjes së fatkeqësive, duke shtuar se operacioni i kërkim-shpëtimit për viktimat është ende duke u zhvilluar.
Junainah tha gjithashtu se kushtet e këqija të motit dhe aksesi i dobët i telekomunikacionit e kishin penguar operacionin e shpëtimit.
Duke iu përgjigjur katastrofës, zyra e kërkim-shpëtimit në Natuna Regency kishte vendosur një ekip të përbashkët shpëtimi në vendngjarje, tha Yusuf Latief, zëdhënës i zyrës kombëtare të kërkim-shpëtimit.
Ekipi përbëhet nga ushtarë, oficerë policie, zjarrfikës dhe personel i agjencisë lokale të menaxhimit të fatkeqësive, tha ai.
“Ekipi tani është në rrugën e tij drejt vendit të ngjarjes me anije, por kushtet e pafavorshme të motit dhe dallgët e mëdha penguan hyrjen e tyre në zonë”, tha Latief.
Discussion about this post