Policia po heton për një ngjarje të mundshme “hakmarrje” që mund të fshihet pas dy shpërthimeve të raportuara nga Shkodër. Sipas burimeve, dy shpërthime të njëpasnjëshme janë dëgjuar gjatë mesnatës në Shkodër, ku në fokus ka qenë një objekt në pronësi të ish -kandidatit për kryetar bashkie dhe në një supermarket të familjes Lici.
Siç mësohet ngjarja ka ndodhur në Shkodër në afërsi të prefekturës, në zonën e Pedonales, në objektin e ish -kandidatit për kryetar bashkie Xhemal Bushatit që shërbente si qendër tregtare dhe po në të njëjtën kohë është dëgjuar një tjetër shpërthim në një supermaket në një tjetër lagje në pronësi të familjes Lici.
Ende nuk kanë dalë rezultate për ngjarjen, por dyshimet e para janë se këto shpërthime mund të jenë një formë kërcënimi, pasi pronarët janë figura publike dhe biznesmen të njohur.
Discussion about this post