Sa herë Cristiano Ronaldo sulmohet, e motra i del në mbrojtje. Mesazhi ka ardhur pas paraqitjes së 37- vjeçarit kundër Spanjës në Ligën e Kombeve .
“Mos ma prekni Ronaldon”, ka deklaruar ajo.
Gazeta “A Bola” vuri në dyshim nëse Santos duhet ta zgjedhë më titullar golashënuesin më të mirë të historisë së luzitanëve kur Botërori është në prag.
Por këto sulme në drejtim të vëllait të saj nuk i pëlqyen Katia Aveiros, e cila shpërtheu në “Instagram” pa asnjë diplomaci: “Kristiano ka në krah familjen e tij dhe ata që e duan.
Dhe këta njerëz do të jenë gjithnjë në krahun e tij, pavarësisht gjithçkaje. Por ajo që ndodh tani nuk më surprizon aspak. Portugezët kanë pështyrë në pjatën ku kanë ngrënë dhe gjithnjë kështu ka qenë.
Portugezët janë të këqij, injorantë dhe mosmirënjohës. Është një djalë i gjunjëzuar në tokë dhe askush nuk i jep një dorë. Është mizore, sepse ka dhënë dhe po jep shumë.
Ai quhet Ronaldo dhe është thjesht futbollisti më i mirë në botë”, shkruante ajo.
Discussion about this post