Një valë vdekjeprurëse e të nxehtit në Itali këtë javë mund të thyejë rekorde, me temperatura që parashikohet të kalojnë 45 gradë Celsius në disa pjesë të vendit.
“Shoqëria Meteorologjike Italiane” e ka quajtur valën e të nxehtit Cerberus sipas “përbindëshit me tre koka”.
“Toka ka një temperaturë të lartë dhe Italia po e ndjen atë vetë”, ka thënë për CNN, Luca Mercalli, kreu i Shoqëria Meteorologjike Italiane, përcjell Telegrafi.
Dhe si pasojë e vapës, tanimë ka vdekur një person.
Një punëtor 44-vjeçar i ndërtimit të rrugëve vdiq në spital të martën pasi u rrëzua në anë të rrugës në qytetin verior italian të Lodit, sipas politikanit Nicola Fratoianni, i cili ka kërkuar rregulla për të mbrojtur punëtorët gjatë valës së të nxehtit në vazhdim.
“Ne po përballemi me një valë të nxehti anormale në nivele të padurueshme. Ndoshta duhet të jetë rasti që gjatë orëve më të nxehta të merren të gjitha masat e dobishme për të shmangur tragjeditë si ajo që ndodhi sot në Lodi”, shkroi Fratoianni në Twitter të martën.
Në Romë, disa turistë u rrëzuan për shkak të goditjes nga nxehtësia të martën dhe herët të mërkurën, duke përfshirë një turist britanik, i cili vdiq para Koloseut të lashtë Romak të martën, sipas kreut të mbrojtjes civile të Romës, Giuseppe Napolitano.
Temperaturat e larta, të cilat shtrihen në pjesë të Evropës, shkaktohen nga një “kupolë nxehtësie” – e krijuar kur një zonë me presion të lartë qëndron mbi të njëjtin vend për një periudhë të gjatë kohore, duke bllokuar ajrin e nxehtë poshtë.
Discussion about this post