Nga Vehap Kola
Të gjithë shqiptarët janë shqetësuar sot pas rënies së sistemit TIMS të kontrollit kufitar. Arsyeja kryesore është se kriminelët, të shumëkërkuarit dhe të korruptuarit në listat e SPAK do ta shfrytëzojnë këtë mundësi për t’u arratisur.
Me të drejtë, ne mund të dyshojmë se edhe në mos e pastë bërë vetë Rama këtë punë, ajo i ka ardhur shpurës së tij të korruptuar si një mundësi e artë. Ajo familje politike e ka dëshmuar me tërmetin dhe pandeminë, me hashashin dhe kriminalizimin, me luftën në Ukrainë për çmimet e karburanteve dhe energjisë, se është plotësisht e aftë të shohë mundësi në çdo fatkeqësi.
Ndërsa Rama dhe grupimi rreth tij vjelin mundësitë që lindin në çdo fatkeqësi që i vjen këtij populli, çmimi i tyre u mbetet njerëzve të zakonshëm të Shqipërisë. Me fikjen e sistemit TIMS, ne nuk jemi në gjendje të verifikojmë se sa dhe cilët njerëz hyjnë nga jashtë në Shqipëri.
Jo se postat tona kufitare nuk janë si shoshat në diell, po për disa vende që janë burime të sigueta të terrorizmit dhe armiqësisë ndaj nesh, janë aplikuar disa fiktra minimalë të verifikimit. Kjo, edhe në sajë të interesit të partnerëve euro-amerikanë dhe mbikqyrjes së kufijve nga BE në kuadër të marrëveshjes së liberalizmit të vizave.
Në kushte të tilla, Irani që ka programuar nxjerrjen nga funksioni të sistemit të kontrollit të hyrjeve në kufi, shumë lehtë mund të ketë planifikuar që të përfitojë nga kjo mundësi dhe të infiltrojë agjentët e tij për të kryer akte terrori dhe hakmarrëse. Shqipëria strehon opozitën iraniane, që Irani e klasifikon si organizatë terroriste. Vendbanimi dhe jeta e tyre mund të jenë objektivi i parë i planeve të tilla.
Qeveria na ka njoftuar se po lufton me armikun mes dallgëve të TIMS -it të shkërmoqur, por duhet hapur se s’ka asnjë ide se çfarë duhet të bëjë për të garantuar sigurinë dhe për të penguar skenarë kërcënues. Si gjithmonë, ajo do të justifikohet duke fajësuar organizatorët dhe fajtorët, siç bën me aktet e ekzekutimit të figurave të krimit. Por në këtë rast, nuk janë në lojë kokat e kriminelëve por jeta dhe siguria e fëmijëve dhe familjeve tona.
Të shpresojmë që partnerër amerikanë ta kenë marrë në dorë sigurinë e kufijve dhe përballjen me shërbimet iraniane. Nëse gjithçka është në dorë të atyre që akuzojnë njëri-tjetrin për fikjen e radarëve të NATO-s për të lejuar fluturimin e lirë të avionëve që transportojnë drogë, nuk kemi gjë në vijë.
Discussion about this post