Policia Kosovës ka njoftuar ditën e sotme, në kampin “Vrella”, kanë mbajtur një ushtrim fushor i cili u përcoll nga afër, nga ministri i Punëve të Brendshme, Xhelal Sveçla, stafi i lartë menaxhues në krye me drejtorin e përgjithshëm të PK-së, Samedin Mehmeti, si dhe përfaqësues nga ICITAP-i amerikan.
Në njoftimin e Policisë bëhet me dije se përmes këtij ushtrimi Policia e Kosovës me zyrtarët e saj të profileve të ndryshme, si nga njësitë speciale, njësitë e reagimit të shpejtë, njësitë për trajtimin e materieve të rrezikshme, njësitë e rendit publik, ekipet mjekësore, demonstruan aftësitë dhe shkathtësitë e tyre profesionale, në rast të intervenimit dhe menaxhimit me situata të ndryshme në nivel vendi.
Më tej në njoftim thuhet se Policia e Kosovës, përmes realizimit të trajnimeve dhe ushtrimeve në nivele të ndryshme, po dëshmon angazhimin dhe përkushtimin e saj, për të qenë profesionale, e zhvilluar dhe moderne, e pajisur me mjetet e nevojshme policore me qëllim të përmbushjes së synimeve dhe objektivave strategjike, në interes të sigurisë së përgjithshme.
“Me nga një fjalë rasti njësive policore dhe të pranishmëve iu drejtua ministri Sveçla dhe drejtori i përgjithshëm Mehmeti, të cilët vlerësuan lartë angazhimin, përkushtimin dhe realizimin e ushtrimit në mënyrë mjaft profesionale, dhe me këtë u dëshmua se Policia e Kosovës ka kapacitete dhe është e gatshme në reagime dhe veprime policore në situata të ndryshme, në ofrimin e sigurisë për qytetarët dhe vendin”.
Discussion about this post