Organizata e njohur ndërkombëtare që merret me analizën e kurbës së çmimeve të naftës dhe gazit në botë, ka publikuar statistikat për muajin nëntor.
Sipas statistikave Shqipëria renditet në vendin e 5 në botë për çmimin më të shtrenjtë të naftës. Ky është një rekord i ri për vendin tonë në klasifikimin që bën organizata Global Petrol Prices.
Çmimi i benzinës për oktan 95 në Shqipëri është 197 lekë për litër. Për krahasim, çmimi mesatar i benzinës në botë për këtë periudhë është 123.94 lekë. Grafiku i mëposhtëm tregon çmimin e benzinës në vend në krahasim me vendet e tjera.
Kjo do të thotë se shqiptarët e paguajnë shtrenjtë atë, pasi vetëm 4 vende në botë, Holanda, Islanda, Monako dhe Hong Kongu e shesin më shtrenjtë se ne.
Të dhënat periodike që analizon organizata globalpetrolprices për 150 shtete në botë, tregojnë se Shqipëria për herë të parë thyen një rekord të ri, duke u ngjitur në vendin e pestë për çmimin më të shtrenjtë të naftës që tregtohet në karburante, duke kaluar edhe vende të tilla si Singapori, Zvicra, Finlanda e Norvegjia.
Prej disa vitesh, vendi ynë përfshihet brenda listës së 25 apo 30 vendeve më çmimin më të lartë, dhe kjo shpjegohet me përfshirjen e 6 taksave që paguhen direkt në pompë nga blerësit.
Ekspertët thonë se nuk janë vetëm politikat fiskale ato që e mbajnë çmimin e karburanteve në këto kuota, por edhe abuzimet në tregun vendas.
Sot, çmimi mesatar në rang botëror është 124 lekë, ose 73 lekë më pak se shuma që paguan një qytetar në Shqipëri.
Tabela
Discussion about this post