Ai quhet Ermis Arra, dhe është nxënës në klasën e tetë të shkollës 9-vjeçare “Shaqir Lleja” në Bushnesh të Krujës. Lënda e preferuar e Ermisit është matematika. Madje, ai arrin të zgjidhë përgjigjet e ushtrimeve më shpejt se makina llogaritëse.
“Kur bleva tabelën e shumëzimit dhe vazhdova që të mësoj numrat e vegjël dhe më pas fillova të rikuperoj numrat e mëdhenj, arrita që të shumëzoj shifra edhe më të mëdha se 10-ta”, thotë Ermisi.
Lexo edhe: Protestojnë nxënësit e shkollës në Lushnje: Të rregullohet godina
Mënyrën e të vepruarit nuk ka arritur ta zbulojë as vetë profesori i tij.
“Unë si mësues veprimet që kryen Ernisi jam i detyruar që t’i kryej me makinë llogaritëse për të arritur në përfundimin nëse i ka kryer saktë ose jo”, shprehet Shpëtim Gurra, profesor matematike.
Edhe pse është nxënës në këto banka, shpeshherë Ernisi merr rolin e mësuesit për shokët dhe shoqet.
“Jo vetëm nga klasa, por dhe nga shkolla tjetër vijnë dhe më kërkojnë ndihmë. Nuk arrijnë të kuptojnë këtë mënyrë, makina llogaritëse nuk lejohet. Me një fjalë, unë jam makina llogaritëse e shkollës”, thotë 13-vjeçari.
Profesor Shpëtimi na thotë se aftësitë e 13-vjeçarit kërkojnë një program më të avancuar sesa libri i matematikës i klasës së 8-të.
Discussion about this post