Masat ajrore të qëndrueshme do të përfshijnë vendin tonë duke sjellë gjatë orëve të paradites alternime kthjellimesh dhe kalime të lehta vranësirash, ku më të theksuara do të jenë në zonat malore. Por parashikohet që në orët e mesditës dhe pasdites gradualisht kthjellimet të bëhen dominuese në një pjesë të mirë të territorit Shqiptar.
Sipas MeteoAlb, temperaturat e ajrit do të rriten lehtë në mëngjes, por do të rriten ndjeshëm në mesditë duke luhatur vlerat ditore nga 9°C deri në 33°C.
Era do të fryjë e lehtë dhe mesatare me shpejtësi mbi 30 km/h nga drejtimi veriperëndimor duke krijuar në brigjet detare dallgëzim 2 ballë.
Kosova
Vijon, moti i qëndrueshëm të dominojë territorin e Kosovës, ku në orët e para të ditës kthjellimet do të jenë mbizotëruese. Parashikohet që në gjatë mesditës dhe pasdites vranësirat të theksohen, ku më të dukshme do të jenë në Veriperëndim të vendit por nuk priten reshje.
Maqedonia e Veriut
Zhvillimi i një qëndre të presionit të lartë atmosferik mbi Ballkanin Perëndimor do të sjelli në territorin e Maqedonisë së Veriut mbizotërim të kthjellimeve dhe kalime të lehta vranësirash, ku kthjellimet më të dukshme do të jenë paradite. Ndërsa pasditja thekson përkohësisht vranësirat.
Discussion about this post