Policia e Shtetit ka nxjerrë një njoftim zyrtar për shkak të parashikimeve për përkeqësimin e kushteve hidrometeorologjike detare dhe atmosferike në vend, duke apeluar për kujdes maksimal nga lundruesit dhe përdoruesit e rrugës.
Sipas njoftimit, nga mesdita e datës 24 korrik deri në paraditen e datës 25 korrik 2026, mjetet e vogla lundruese dhe ato të peshkimit udhëzohen të shmangin daljen në det të hapur jashtë Gjirit të Vlorës dhe Gjirit të Sarandës, si dhe përgjatë vijës bregdetare Dhërmi–Himarë–Sarandë. Drejtuesve të këtyre mjeteve u kërkohet të tregojnë vigjilencë të lartë për të parandaluar çdo rrezik për sigurinë e jetës në bord.
Përveç situatës detare, autoritetet apelojnë edhe për drejtuesit e automjeteve, motomjeteve dhe këmbësorët që të tregojnë vëmendje të shtuar gjatë lëvizjes në rrugë për shkak të reshjeve dhe lagështirës së parashikuar. Policia e Shtetit nëliron nevojën për zbatimin rigoroz të rregullave të qarkullimit rrugor, respektimin e kufijve të shpejtësisë, mbajtjen e distancës së sigurisë dhe shmangien e manovrave të rrezikshme me qëllim rritjen e parametrave të sigurisë publike.
Policia e Shtetit
Në bazë të parashikimeve për përkeqësimin e kushteve hidrometeorologjike detare dhe atmosferike, Policia e Shtetit njofton se, duke filluar nga mesdita e datës 24.07.2026 deri në paraditen e datës 25.07.2026, mjetet e vogla lundruese dhe mjetet e peshkimit që synojnë të operojnë jashtë Gjirit të Vlorës dhe Gjirit të Sarandës, në det të hapur dhe përgjatë vijës bregdetare Dhërmi–Himarë–Sarandë, të shmangin daljet në det, për shkak të kushteve të pafavorshme hidrometeorologjike gjatë këtij harku kohor.
Drejtuesit e këtyre mjeteve lundruese duhet të tregojnë kujdes të shtuar, të marrin në konsideratë përkeqësimin e kushteve të motit dhe të shmangin çdo dalje në det që mund të rrezikojë sigurinë e tyre dhe të personave në bord.
Po ashtu, nisur nga parashikimet për përkeqësimin e kushteve atmosferike gjatë ditës së nesërme, Policia e Shtetit apelon për kujdes të shtuar nga qytetarët dhe të gjithë drejtuesit e automjeteve dhe motomjeteve, duke respektuar rregullat e qarkullimit rrugor, kufijtë e shpejtësisë, distancën e sigurisë dhe duke shmangur manovrat e rrezikshme.
Këmbësorët këshillohen të tregojnë vëmendje dhe kujdes të shtuar gjatë lëvizjes, veçanërisht në kushtet e reshjeve apo lagështirës në rrugë.
Policia e Shtetit apelon për të gjithë përdoruesit e mjeteve të vogla lundruese, mjeteve të peshkimit dhe të gjithë përdoruesit e rrugës që të tregojnë kujdes maksimal, jo vetëm gjatë këtij harku kohor, por në vijimësi, me qëllim rritjen e parametrave të sigurisë së jetës.
gijotina.com/
Discussion about this post